(( ياونتي ونت خلوج حدتها )) للشآعر [ رجعان بن سالم ]

[إبن عوف]

بسم الله الرحمن الرحيم

يــا ونـتـي ونـت خـلـوج حدتهـا *** سحم الذيابه عن ولدها وكلنـه

يــلــوذ وراهـا و يـجـي تحتهـا *** وتساعدن عليه لين فــردنـــه

وهـاشـت و لـحقها الزمل برقبتها *** وقًفت على مرمى النظر مستكـنه

تـقـول تـشكي للشجر سالـفـتـهـا *** وقصت حوار قدمها قـطـعـنـــه

واليا ارجهنت مــر بمخيـلـتـهـا *** تذكرت يومنهن يـغــرســنـــه

واليا ذعذعت ريح الهبوب انشقتها *** أظن ريح ولـيدها يـجـذبـنــه

واليا طالعت زيله بعيد اطلبتهـا *** تبي أظن اعـيونها يلمـحـنــه

وعـيونها كل الملامح نـسـتـهـــا *** اللا زويل وليدها مـانـســنـه

وانا اللذي مريت في مـعـمـعـتها *** جوارحي ما مرها جـربـنـــــه

كبدي غرابيل الفراق أحـرقـتـهـا *** والقلب صيحات النماء لوعنــه

والعين حسرات الدموع اذرفـتـهـا *** والخد من تحت العيون وسمــنه

ويا ليت صفحتنا الليالي طوتـهـا *** ورجعان من بعض الظروف ارحمنه

ومـأسـئٍ قـلـب العـليـل احملتها *** لو هن على صم الصخر يكـسرنـه


الشآعر ~ / رجعان بن سالم العوفي الحربي !!

[البركان]

وعـيونها كل الملامح نـسـتـهـــا *** اللا زويل وليدها مـانـســنـه

[حمدي العوفي]

صح لسان الشاعر رجعان العوفي
على القصيده

وسلمت يابن عوف على النقل

[الكاســر]

صح لسان شاعرها
وسلمت يمين ناقلها


مشكور

[ابو نسرين العوفي]

صح لسان الشاعر وشكرا لمن نقلها لنا

[أبو لمار]

شـكــ وبارك الله فيك ـــرا لك ... لك مني أجمل تحية .

وصح لسان الشاعر ويعطيك العافيه على النقل

[إبن عوف]

العفووووووووووو

[نايف حمود العوفي]

صح لسان الشاعر رجعان وبيض الله وجهك على النقل لاتحرمنا من قصائد الشاعر رجعان والى الامام,,

[عوف القصيم]

صـح لسـان الشاعـر رجعـان..

شـاعـر كـبيـر و مشهـور ..