البارحة في تالي الليل سهران

[ابو سرهد]

البارحة في تالـي الليـل سهـران=
والنوم ماجانـي عيونـي سهيـرة =
سرابي الهاجس على ماض الازمان=
وميزت في حلو الزمـان ومريـرة =
صوتن خفا سمعتـه انـا بـالاذان=
يسئل ويبحث في علومـن كثيـرة =
قال السعادة قلت مالي بهـا شـان=
راضي انا بالقـدر شـره وخيـره =
وقال الدنيه قلت انا منهـا زهـدان=
مابي زهور الوقت ولابـي عبيـره =
قال الحياة وناسهـا قلـت كذبـان=
ماثق با حد والناس صارت خطيره =
قال المجالس قلت مانيـب طربـان=
غيبـه نميمـه للإشاعـه نشيـره =
قال القرابه قلت باللـوم شرهـان=
عينن تشوف الوضع واليد قصيرة =
قال الصداقة قلـت ياويـن خـلان=
ياوين خلـن صادقـن نستشيـره =
قال الزمان وقلت انا منـه تعبـان=
سيفه نفانـي واعتلانـي غبيـره =
قال ان سمعت العلم مني ببرهـان=
لا تسمع الجاهـل قليـل البصيـرة =
تسعد ليامن كنت راضـي وقنعـان=
ودرب الطمع لياك تنهـج تسيـره =
تسعد ليامن كنت صامـل ونويـان=
تطعن ظلام الليـل بركعـة تنيـره =
تسعد ليامن كنت تايـب وسجـدان=
للخالـق اللـي كلنـا نستجـيـره =
تنجو ليامن كنت خايـف وندمـان=
وتدعو إلاهـك بالأكـف الفقيـرة =
خذلك نصيحة واحدن ذاق الاحزان=
وجرّب غرابيل الزمـان المريـرة =
واختامها ذكر الولي منش الامزان=
مجري على أرضه سيولن غزيـرة=

[محمد بن حييان بن خلف بن منديل العوفي]

مشكور على الكلام الرائع وبالتوفيق ياابو سرهد

وتقبل مروري


البركاني...

[سَِليمـَِ اللَِقمـَِانيٍِ]

شكرا لك ابو سرهد على هذه الجهود

لاهنت

الله يعطيك العافيه

[ابو سرهد]

البركاني

وشكرك على المرور والتفاعل الدئــم

[ابو سرهد]

قناص حرب

تسلم

واشكرك على مرورك

تحياتي لكـ

[عبدالعزيز الفهمي]

قال السعادة قلت مالي بهـا شـان
راضي انا بالقـدر شـره وخيـره
وقال الدنيه قلت انا منهـا زهـدان
مابي زهور الوقت ولابـي عبيـره

شكرا لك

[ابو سرهد]

قال السعادة قلت مالي بهـا شـان
راضي انا بالقـدر شـره وخيـره
وقال الدنيه قلت انا منهـا زهـدان
مابي زهور الوقت ولابـي عبيـره

شكرا لك

الشكر لله ثم لمرورك الكريم