قصة وقصيدة الحربي مع السديري

[ولد عوف]

السلام عليكم ورحمة الله وبركاته

لمن يعرف قصة قصيدة السديري المشهورة التي يقول فيها

** ياعل قصر ماتجيله ظلالي ***** ينهد من علي مبانيه للساس **

لاني سمعت ان السديري سب وشتم قبيلة حــــــــــــرب فذهب احد شعراء حرب الى ديار السدارا

ومكث مده طوليلة من دون ان يعرف احد مقصده ومغزاه وهو انه يريد ان يعرف كل شي عن السديري

حتى اذا رد له بقصيدة تكون صحيحيه وحتى يعرف من اين تأكل الكتف المهم ان الحربي عرف

عن السديري كل شي ورجع الحربي الى دياره وقال قصيده قويه من ضمن ابياتها

***ياامير ياشين الخطأ منك شيناه*** ومن ضمنها ** خبل وتلعب في شنبك الهبايب **

المهم انها وصلت السيري وغضب منها غضبا شديدا وحلق شنبه ثم ذهب للملك فيصل الله يرحمه

فقال له الملك فيصل وين شنبك ياسديري فقال السديري اكله الحصني !! فقال الملك فيصل

لو مالقي عليه دسم ما اكله !! وكان السديري يريد من الملك فيصل ان يقتل الحربي ولكن الملك

فيصل رفض لأن الحربي مافعل شي دافع عن ربعه فقط فغضب السديري من الملك فيصل وقال

قصيدته المشهوره ويقصد بأحد ابياتها الملك فيصل وهو
لعل قصر ماتجيله ظلالي ******* ينهد من عالي مبانيه للساس

وفي الختام اود ان اكتب القصيدة كاملة او ناقص منها القليل :

يا امير ياشين الخطا منك شيناه..ياخوفي عقلك هاك اليوم غايب
يومن مثلك تزعل الناس عوجاه..رجال عرف ومن حموله وشايب
لجاه مر الجهل فيه و اغواه..ولامشردن من كل الاطراف خايب
انته تقول القيل وتجيد معناه..شاللك هوى نفسك على غير صايب
لاكن حنا من تحدى نتحداه..من دون واجبنا نجيد الصوااااااايب
ياشايبن غي الجهل تو ماجاه..يبا يعيب الناس والعود عايب
ياضريغط اللي شال همن بدنياه..ياذيب بين معكرشات الذوايب
ان كان عندك للفعايل مجازاه..حرب عمامك يوم مس الجنايب
غصبن عليك وصامل العلم تلقاه..ان طابلك ولا على غير طايب
ابوك معطينه الاخاوه بيمناه..لولا الاخاوه راح ماله نهايب
يامن سواليفه توصخ شفاياه..ذيب العلوم ولا ذكرله حرايب
طوبا مقر الي ولا الحكم وارساه..ياما رسو اليوم حدره نصايب
ورث حبيبالشعب عقبه تولاه..فيصل على كبد العدو سم ذايب
بضلال اخو نوره مشى الذيب والشاه..خلا الغنم والذيب تمشي صحايب
وخلاك ياالنمرود تمشي بحسناه..وتحط باالشعب السعودي عصاااايب

*واعذروني على القصور..والي عنده اضافه ارجو ان يضيفها..!!

[_.ـ-(القصيدة للشاعر : سبيل بن سند الحصني الحربي)-ـ._]

تحياتي
؛
؛
ولــد عــوف

[بدر البركاني]

هلا بك ياولد عوف..

يعطيك العافية وتشكر على مجهودك الرائع..

القصيده موجود كامله بقسم الأشعار العامه وهي حاليا بالصفحه الثانية من القسم وموضوعها( ـ قيلت

بأنها المعلقة الثامنه..سبيل الحصني ـ ..

طبعاً ماقصر ولد حرب ضبط التنسيق لكي تسهل قراءتها على المتصفح ـ الله يجزاه خير ـ .

تحياتي لك..

[ابــو عبدالله]

::::::::::::::::::::::::

يامال العافيه والقصيده موجوده وموثقه

وهي تقريبا 84 بيت .... وتسمى المعلقة الحربيه......

واشكرك على جهدك المبذول

:::::::::::::::::

[محمد بن حييان بن خلف بن منديل العوفي]

أبدعت ياابو عبدالله فأمتعت فشكراً لك على هذا الموضوع الرائع


وتقبل مرررررررررررروررري



وتقبل تحــــــياتي...

البركاني...

[الشاكر أبو سامي]

هلا بك ياولد عوف..

يعطيك العافية وتشكر على مجهودك الرائع..

وعلى الاختيار واما القصيدة فهي موجودة

في منتديات كثيرة

وبامكان الباحث يجدها

دمت بصحة وعافية

[نايف حمود العوفي]

اشكر جميع الاخوه على التوضيح..

[حميدان العوفي]

إلـــيـــكـــم القـــصـــيـــدة كـــامــــلـــة


ياأمير يا شين الخطأ منـك شينـاه=ياخوفتي عقلك هك اليـوم غايـب
يوم ٍ مثلك تزعل النـاس عوجـاه= رجّال عرف ومن حمولـه وشايـب
لاجا هل ٍ غي الجهل فيـه وأغـواه=ولا مسرد ٍ من كل الأطراف خايـب
أنته تقـول القيـل وتجيـد معنـاه=شالك هوى نفسك على غير صايب
لكــــن حنّا مـن تحـدى إنتحـداه=من دون واجبنا نجيـد الصوايـب
ياشايب ٍ غي الجهل توّ مـا جـاه=يبى يعيب الناس والعـود عايـب
يا ضريغط اللي شال همـن بدنيـاه=ياذيب بيـن معكرشـات الذوايـب
إن كان عنـدك للفعايـل إمجـازاه=حرب ٍ عمامك يوم مـسّ الجنايـب
غصب ٍ عليك وصامل العلم تلقـاه=ان طاب لك وإلا على غير طايـب
أبـوك معطينـا الأخـاوه بيمنـاه=لولا الأخـاوه راح مالـه نهايـب
يا من سواليفـه توسّـخ شفايـاه=ذيب العلوم ولا ذكر لـك حرايـب
طوبى مقرّ اللي ولى الحكم وأرساه=يامآ رسى واليوم حـدر النصايـب
ورّث حبيب الشعب عقبـه تـولاه=فيصل على كبد العدو سـمٍ ذايـب
بظلال أخو نوره مشى الذيب والشاه=خلّى الغنم والذيب تمشي صحايـب
وخلاّك يالنمرود تمشـي بحسنـاه=وتحط بالشعب السعودي عصايـب
والله يلو يدري عن العلم وأقصـاه=مالك شفاعه لـو تشفّعـت تايـب
مغترّ فيك الله على الخيـر يقـداه=وش عرّفه لك عند مطلق حلايـب
ماشاف نزل ٍ لـك يـدق الخونـداه=بمعيلـه مثـل الخجـز واللعايـب
نزل ٍ نشوفـه والمخاليـق تدهـاه=نـزل البـلاوي كلهـا والمصايـب
عن روس خلق الله وأنا أبـراي لله=عن ناس ترعى في طرفكم حبايـب
لو فيك خير ووجهك الشّين ينكـاه=مـا تعتـرض لمكمّليـن النوايـب
وأولاد وايل عـن سوالفـك مغنـاه=ماهـم بعـوزك يامـدوّه زرايـب
عشب الخطر غصب ترعاه=ترعاه أباعرهم لـو الـدم رايـب
وحرب ٍ قواطيع ٍ على الخيل وإرماه=عوق الخصيم مورّدة كـل هايـب
وشريدة الفرسان وشلـون تنسـاه=وشلون تنسى يا طويـل الخبايـب
اللي على شيل الجماهـي مضـرّاه=يمناه والفسقان سيـف العطايـب
وإبن نحيت اللـي نهـار المثـاراه=كم كبد حي ٍّ شـب فيهـا لهايـب
على أبلج خلّى الظـواري تعشّـاه=وبطوع إخو نوره تعشّـى كتايـب
وإبن جزاء يوم النضا جاه ينخـاه=وشلون تنسـى يالعيـن الصلايـب
يوم ٍ يشيب الراس من حس طرياه=بيـن الحناكيـه وذيـك الجذايـب
وفيحان إخو نوره تحت حد شلفـاه=كم فارس ٍ خـلاّ عظامـه حطايـب
اللي بجاهه يوم زاروا هـل الجـاه=رد الذويبي مـال رايـح كسايـب
ماخوذ غصب وضمّر الخيل تشعـاه=وشلون تنسى ياعجيـب العجايـب
ونسيت إبن ناحل مع الضيف وقراه=هيف السّمين اللي بها النّي سايـب
اللي يدسّم شارب الضيـف لاجـاه=الخيل يعطيها وعطا البـل وهايـب
ونسيت منور ذيب جمع ٍ سرايـاه= مثل الدّبا الكتفان ريـف القرايـب
حرز الذليل اللـي يفـك المخـلاّه=نسيت إخو حسنا عطيب الضّرايـب
وذويـخ بالعربـان تكثـر رزايـاه=إليا شان نطق إمّيْليـن العصايـب
كم هيّة ٍ زيزومهـا جـاب حسنـاه=وسعود من بعـده يفـك النّشايـب
وإبن جديع اللـي بهيّـه ضحايـاه=فرسان قـوم ٍ فـوق قـبٍ ربايـب
يبـون وضـحٍ بالأباهـر محنّـاه=افتكهـا ووّهـل جبرهـم نكايـب
ونسيت مانع حوض موت منايـاه=ماتأخـذ إلا محتميـن الدّبـايـب
من كف إخو فـزه نواعيـه تنعـاه= عليـه هـلاّت العبايـر سكـايـب
ونويشي اللي بالخوي كل ٍ أوحـاه=بثرأ خويّـه عـن عوانيـه نايـب
قص أربعه وإثنين والسّابع أنجـاه=أنهى الملام وخاطره ماهو طايـب
وأبوك يالهيباد مـن فـك بحمـاه=يوم الرصاص بنوع وبل السحايـب
برّم عصب رجليه وإنّـا احتمينـاه=دونـه فعلنـا معجـزات ٍ غرايـب
واليوم عندك لـه محبـه وملجـاه=غوّال إبوك وحايب ٍ بـك حوايـب
والا ما تنسى وطيت ٍ فوق علبـاه=وميقافنـا لا دفلجـن بـك ركايـب
جينـاه وإربـاع المبانـي ممّـلاه=في كل بيـت ٍ مكتّفيـن ٍ قضايـب
واللي نزل عنـده ثلاثيـن جمهـاه=بين الذرا والنار ضـم الحضايـب
من عرض من ربص هكاليوم بدماه=راع النقا والفوز يـوم الغصايـب
راسه سبق كفه على عرش ماطاه=من كف إخو جوزاء وأبوك السّبايب
فعل ٍ على وضح النقاء ما إخترعناه=ما هي سواليف الوجيـه القلايـب
وأضحى جزاء ميقافنا اللي وقفنـاه=شبّهتنا ضيـن ٍ رثـع فيـه لايـب
ذيب ٍ يرد من أول الضّيـن لتـلاه=الشّكـوى لله ياكبيـر القطـايـب
والله والله واحـدٍ مـا أتمـهـزاه=بالكـذب..والله يالقلـوب اللبايـب
لولا القمر وسهيل والجـدي لـولاه=لأقول قـول ٍ مـا تعقبـه طلايـب
مار بذرا العنبـر تركـت العلنْـداه=ياللي تبي بالكـذب تأخـذ غلايـب
يالطّايش اللي طيّشه كبـر مركـاه=هلا هلا ياحـوش بيـض التّرايـب
هذا جداك وغيـب قلبـك عرفنـاه=مار الغلط مرجوع وإنس الحزايـب
إما تعذ ّر عـن مقالـك ومنشـاه=عبر الأثير ولا نبـي لـك نجايـب
يـوم المجلّـد كـل حـيٍّ ٍ تمـلاّه=تراك ما أنت من الإذاعـه نعايـب
دفترك ما خصيت به يـوم نقـراه=قاريـه أنـا ومسطّراتـه عرايـب
حتى تعذ ّر لـك لنـاس ٍ مسمّـاه=كرّ النّظر وإحسب جميع الحسايـب
كرّ النظر وإضرب علـى ماتـورّاه=وعندك طريق العافيـه والعقايـب
إمّا حفرت البير وإقطن علـى مـاه=وإلا تدمّـه دام مـيّـه سـرايـب
مادام كـل ٍ ماسـك ٍ مـاه بلـزاه=وإلا تعرّضت المحـن والصّعايـب
يمّـك ملاييـن المدافـع معـبّـاه=وأقفالـهـا قيّـادهـا بالكـرايـب
الطّيش لايحرمـك لـذ المسـاواه=إعرف ترى للطيش غيب وغبايـب
إلا إن عندك للخزى ميـل مشهـاه=معجبك مالك من فعولـن ٍ رهايـب
فالله خلق للداء دواء وأنت من داه=ودواك للجـرّاح فيـه الطـرايـب
ياما لعينـك مـن مغثّـه ومـاذاه=ياللي بحركم يامليـن الـذ ّهايـب
به حصة ٍ بيضـاء تـلالا مغطّـاه=غيّم سماها بين خضـر ٍ رطايـب
ماأدري ركبها غبار شيول ومسحاه=وإلا بهـا زدتـم إعـداد الجلايـب
لاوا قفيـن ولا بالأعيـان شفنـاه=حظـي بـري لله علينـا رقايـب
حظي بري ما قالوا النـاس قلنـاه=وبحظ من جاب الخبر لـي جايـب
ياطير إبن برمان مـدري حلايـاه=ياللي تبـي فينـا تحـط النّقايـب
اهو هلا يالمنتسب عقـب عفنـاه=حنّا جبرنا مـا يحـوش القشايـب
ولا عندنـا لـك يامحمـد مناجـاه=خبل ٍ تومِّي فـي شنبـك الهبايـب
تبي تمثِّل عنتـر الخيـل جهجـاه=تمثيل وإلا مسـرد ٍ ماأنـت ثايـب

[عمر العوفي]

صح الساااااااااااااان الشاعر وبيض الله وجه الناااااااااااااااااااااااقل

[البركان]

موفق بإذن الله ... لك مني أجمل تحية .