قولوا لابو متــعب ترى الشعب مقهـور !!

[نايف حمود العوفي]

قصيده تعبر عن حال المواطنين السعوديين...

قولوا لبو متعب ترى الشعب مقهـور
ياخـادم البيتيـن امسـك عصـاهـا
ضاعت فلوس الناس مع كـل هامـور
ومثلك يعرف البير ويعـرف غطاهـا
من سي لاسوأ وبين عاثـر ومعثـور
وسهمك 0وهو سهمك رموه بخلاهـا!
كيف اشكي العله علـى كـل دكتـور
والطب عندك وانـت تعـرف دواهـا
ماخافـو الله خالـق النـار والـنـور
حتـى الأرامـل شاركوهـا بعشاهـا
ياقلبي اللـي فيـه نيـران وحـرور
ضاقت علي دنيـاي وسكـر فضاهـا
سوقك بلون الـدم باسبـاب مغـرور
يضغط علـى سابـك وكسـر يداهـا
في عشر اواخر نرجي الذنب مغفـور
قامـوا علينـا قومـة ٍ مـا وراهـا
واعمار صارت دمهـا اليـوم منثـور
وخاب الرجاء باعمار واللـي رجاهـا
ياما بنينـا فوقهـا ابـراج وقصـور
وراحت سدى والسوق دحـدر معاهـا
كم شاب قال ابغى اتزوج من الحـور
وافلس وبيره جف مـا شـاف ماهـا
وكم راعي أسره أصبح الصبح مفقور
العيـد بكـره واسرتـه مـا كساهـا
وقمت اتفكر وادرس الـراي والشـور
قلت ازبن لصقر العروبـه .. ذارهـا
بكلمه تجي من عنده اليـوم مسـرور
والسوق يرجع عشب يـروي ظماهـا
يادرعنا لا صـار بالكـون عاصـور
كم صرخة ٍ للنـاس تسمـع صداهـا
يالحر 00 يابن الحر 00 والحر مخبور
قاد الحـرار الشامخـه فـي سماهـا
ما يلحقك يا سيـدي شـك وقصـور
لكـن رسالـه ياصـلـك محتـواهـا
انـك ابونـا والرجـا فيـك موفـور
عدلك شمـل كـل الديـار وغشاهـا
جوني يعزوني على السـوق ماجـور
قلـت البقـا بالشيـخ يطفـي لظاهـا
ويرد لون السوق عشبـي ويخضـور
مثـل علـم دار السعـود وصفـاهـا
خيرك عميم وشاكر النـاس مشكـور
ومزن الحيـا عـم البـلاد وسقاهـا
انت الرجا بعد الولـي تدفـع الجـور
واسلم عساك تـدوم وتحمـي حماهـا

اعجبتني فنقلتها لكم !!

[ولـ حرب ـد]

الله يعافيك ماقصرت

مشكور على النقل

ولا هنت

محبتي و مودتي

[نايف حمود العوفي]

الف تحيه لك على المرور العطر..

[زيزوم]

صح الله لسان الشاعر

وتسلم على جيبتها أخوي نايف

[نايف حمود العوفي]

هلا اخوي معاند اشكرك جزيل الشكر على المرور..

[ولد الشيوخ]

الله يعطيك العافية اخوي ابوحمود على نقل هالقصيدة الخطيرة..


وماااااااقول الا......(((....الله يعز الحكومة......))


والا الشعب...فاهم مدخالها ومخراجها..والوضع بين..


!!...بانتظار الافضل والاجمل..!!

[نايف حمود العوفي]

اشكرك على التعقيب اخوي ولد الشيوخ..

[ابو سعد]

الله يعافيك يابو حمود



واقول كما قال الشاعر : عقب ماكنا نطارد الفرسان مخلية الاسراج صرنا عشى لمنتفات


الدجاجي عيال الدجاج اللي تبيض فالادراج





تقبل مرووري

[نايف حمود العوفي]

مشكور على المرور..