يايمه وينك من دونك خلا البيت

[المهاجر]

http://www.qwled.com/vb/imgcache/85138.imgcache



القلب يحزن والمدامع غـزيـره
في جوفي نار من لهبها تباكيت

والــدار ظلما كانت أمــي تنيـره
يايمه وينك من دونك خلا البيت

قلبي تفطر على الفرقا المريره
أمـنــت بـــالله وبأقداره ترضيت

المـــوت حــق وكـل له مصيره
وموت النبي قبلك يايمه تعزيت

هذا جلالك وريحـك فــي عبيــره
كل يوم أشمه وإلا شفته تهنيت

صوتك يايمه يامحلى اثيره
حنانك يمّـه يخلينــي تدفيـت

يايمّه من هو اجي له واستشيره
يعدلني لشفت الصـواب وتنحيــت

يايمّـــــه كـــلن يناظرنــــي بحــــيره
من يوم رحتي وانا اللي ما تواسيت

ياكم تعلمت بمعان غزيره
يامنهل التعليم منك تربيت

كم قصة قلتي وللماضي نسيره
ولجيت عندك بسواليفك تسليت

اآآآه يايمه من النظرات الاخيرة
مليـــت كفــــي تــراب ثـــم حتيت

ابشري يمه بدعــــوات كثيرة
كل ماذكرتك وللرحمن صليت

[نايف حمود العوفي]

المـــوت حــق وكـل له مصيره
وموت النبي قبلك يايمه تعزيت



صح لسانك اخوي المهاجر والف شكر على النقل الرائع..

[ابو سعد]

الله يحفظ لكم امهاتكم وابائكم فهم حجر اساس الاسره وهم نور وضياء البيت


اشكرك مهاجر مؤثره جدا ....



تحياتي يامهاجر

[ولـ حرب ـد]

الله يعافيك ماقصرت

مشكور على النقل

ولا هنت

محبتي و مودتي