ياسرعبدالله العوفي
19-05-10, 03:59 AM
(بسم الله الرحمن الرحيم)
أعتذر للإخوه والأخوات الأعضاء والقراء بسبب قلة التواصل واهدي لكم هذه المتواضعه التي أمل أن تنال إعجابكم وترتقي إلى ذائقتكم.......
""""""""""""""""""""
""""""""""""""""
"""""""
""""
""
"
قالونبي ياطيب الفال شلّه=وبدعت قاف بعالي الصوت أغنيه
قافٍ على عزومعانيه جزله=شيدت له قصرٍ رفيعه مبانيه
وطيبه ملكته وأزرق العود أفله=وأشب ناره وأعدله ثم أقهويه
وشهده إذا ذقته كما شهد نحله=حالي بطعمه والله اللي محليه
ونهره جرى عذبٍ كما نهر دجله=ارويبه اللي قلبه الشوق مضميه
ومنقيته منقاه ماهي بعَجلَه=منقية اللي يعشق القيل ويغليه
أسوقها حمرٍ سمانٍ مفّله=بروضٍ خضر معشب كثيره مراعيه
في دوحته نبعٍ روى كل نزله=من حوله ومن مربه مايعديه
ومن فوقه مزون الفكر مستهله=تمطرعليه من المعاني وتحييه
وحوله تنوف الشامخات المطله=تسيّل سيول العز في وسط واديه
وشفت بسما شعري نجوم وأهلّه=وسرحت في حاضر زماني وماضيه
دنيا غريبه تحتضن كل عله=تضحك وتبكي وحالي المر تسقيه
قلبتها تقليب راع المجله=لو ماقرى بعض العناوين تكفيه
والعين عيت دمعها لاتهله=تدرى العباير وغالي الدمع تخفيه
والقلب أحسه ألتوى فيه صلّه=صلٍ تنصل وسط قلبي ومصليه
ومن حر لدغه كنه فجمر ملَّه=وسطه تململ وأحمر الجمر يشويه
يالين أصبح كايد الحمل حمله=وهمه ثقيل وبين الأضلاع مشقيه
وأضحك واسولف وعندي الوضع فلّه=واللي بصدري طول الأيام متقيه
محدٍ درى عنه ولاأحدٍ فطنله=غير الذي هو يعلم الغيب ويدريه
وماذاب قلبي في غرامه وخله=ولاحارطرفي بناعس الطرف هاويه
حتى ولو هومبعد وماحصله=ويني ووينه ووينه ووين مغليه
حبي تعدى حب عنتر وعبله=حب المراجل والوفا وش يساويه
وغرامي الشبه وفنجال دله=ومسامر اللي دايم البال يطريه
الصاحب اللي مجلسه ماتمله=أليا فقدته داعي الشوق يدعيه
له منزلن فالقلب محدٍ وصله= باقي على ذكره ولا أحدٍ نزل فيه
وكفيت نفسي عن وجيه المذله=وأكرمت وجهي عن كثير المشاريه
واللي رضى بالذل وشلي ووشله=خله بعيد يسوق عني خطاويه
واللي نزل منزال ماهو محله=يلقى الهوايش تلبشه ماتخليه
واللي يظن الشمس غيمه مظله=يستاهل الرمضى فالأقدام تكويه
واللي يدور عند الأجواد زله= يلقى سواد الوجه بالذل يكسيه
وأكرمكم الله مايساوى بتفله=وودك بوسط زبالة الفكر ترميه
للراس تاج ولدعسة الرجل نعله=وكلٍ على قدره نعزه ونعطيه
ويكرم كريمٍ طاب أصله وفصله= الجود له مركب والعزيخاويه
يفداه أهل الحب والحب وأهله=ويفداه من حبه واللي يعاديه
وسيف الشعر من غمد فكري أسله=وأباري اللي عقله بفكرة التيه
وماكل صوتٍ أسمعه ألتفتله=ولا كل سهم يصوب الصيد راميه
بعض البشر يرجم ورجمه بحثلَه=راعي ردى وبالشر تكثر هقاويه
حلو الرطب مجناه من فوق نخله=والشوك يوذي من تركله مواطيه
واللي سعى بالشربيده ورجله=شيٍ سعابه لازم أنه يلاقيه
اليوم فاعل أعرابه بوسط جمله=وبكره خبر فالقبر والكل ناسيه
واليوم يضحك بدنيته وسط حفله=وبكره بحفره ضيقه من بيبكيه
ماينفعه ماله وطوله وشكله=ولا ينفعه ظلم البشر مع تعديه
ويالله ياللي خالق الكون كله=اللي عليم الحال جهره وخافيه
أليا أنعقد لي حبل أنك تحله=أنتَ حسيب اللي كثيره بلاويه
"""""""""""""""""""""""""""""""""""""
(وسلامتكم)
"""""""""""
""""""
"""
""
"
بقلمي المتواضع
ياسرعبدالله العوفي
(الـــــــعـــــرم)
أعتذر للإخوه والأخوات الأعضاء والقراء بسبب قلة التواصل واهدي لكم هذه المتواضعه التي أمل أن تنال إعجابكم وترتقي إلى ذائقتكم.......
""""""""""""""""""""
""""""""""""""""
"""""""
""""
""
"
قالونبي ياطيب الفال شلّه=وبدعت قاف بعالي الصوت أغنيه
قافٍ على عزومعانيه جزله=شيدت له قصرٍ رفيعه مبانيه
وطيبه ملكته وأزرق العود أفله=وأشب ناره وأعدله ثم أقهويه
وشهده إذا ذقته كما شهد نحله=حالي بطعمه والله اللي محليه
ونهره جرى عذبٍ كما نهر دجله=ارويبه اللي قلبه الشوق مضميه
ومنقيته منقاه ماهي بعَجلَه=منقية اللي يعشق القيل ويغليه
أسوقها حمرٍ سمانٍ مفّله=بروضٍ خضر معشب كثيره مراعيه
في دوحته نبعٍ روى كل نزله=من حوله ومن مربه مايعديه
ومن فوقه مزون الفكر مستهله=تمطرعليه من المعاني وتحييه
وحوله تنوف الشامخات المطله=تسيّل سيول العز في وسط واديه
وشفت بسما شعري نجوم وأهلّه=وسرحت في حاضر زماني وماضيه
دنيا غريبه تحتضن كل عله=تضحك وتبكي وحالي المر تسقيه
قلبتها تقليب راع المجله=لو ماقرى بعض العناوين تكفيه
والعين عيت دمعها لاتهله=تدرى العباير وغالي الدمع تخفيه
والقلب أحسه ألتوى فيه صلّه=صلٍ تنصل وسط قلبي ومصليه
ومن حر لدغه كنه فجمر ملَّه=وسطه تململ وأحمر الجمر يشويه
يالين أصبح كايد الحمل حمله=وهمه ثقيل وبين الأضلاع مشقيه
وأضحك واسولف وعندي الوضع فلّه=واللي بصدري طول الأيام متقيه
محدٍ درى عنه ولاأحدٍ فطنله=غير الذي هو يعلم الغيب ويدريه
وماذاب قلبي في غرامه وخله=ولاحارطرفي بناعس الطرف هاويه
حتى ولو هومبعد وماحصله=ويني ووينه ووينه ووين مغليه
حبي تعدى حب عنتر وعبله=حب المراجل والوفا وش يساويه
وغرامي الشبه وفنجال دله=ومسامر اللي دايم البال يطريه
الصاحب اللي مجلسه ماتمله=أليا فقدته داعي الشوق يدعيه
له منزلن فالقلب محدٍ وصله= باقي على ذكره ولا أحدٍ نزل فيه
وكفيت نفسي عن وجيه المذله=وأكرمت وجهي عن كثير المشاريه
واللي رضى بالذل وشلي ووشله=خله بعيد يسوق عني خطاويه
واللي نزل منزال ماهو محله=يلقى الهوايش تلبشه ماتخليه
واللي يظن الشمس غيمه مظله=يستاهل الرمضى فالأقدام تكويه
واللي يدور عند الأجواد زله= يلقى سواد الوجه بالذل يكسيه
وأكرمكم الله مايساوى بتفله=وودك بوسط زبالة الفكر ترميه
للراس تاج ولدعسة الرجل نعله=وكلٍ على قدره نعزه ونعطيه
ويكرم كريمٍ طاب أصله وفصله= الجود له مركب والعزيخاويه
يفداه أهل الحب والحب وأهله=ويفداه من حبه واللي يعاديه
وسيف الشعر من غمد فكري أسله=وأباري اللي عقله بفكرة التيه
وماكل صوتٍ أسمعه ألتفتله=ولا كل سهم يصوب الصيد راميه
بعض البشر يرجم ورجمه بحثلَه=راعي ردى وبالشر تكثر هقاويه
حلو الرطب مجناه من فوق نخله=والشوك يوذي من تركله مواطيه
واللي سعى بالشربيده ورجله=شيٍ سعابه لازم أنه يلاقيه
اليوم فاعل أعرابه بوسط جمله=وبكره خبر فالقبر والكل ناسيه
واليوم يضحك بدنيته وسط حفله=وبكره بحفره ضيقه من بيبكيه
ماينفعه ماله وطوله وشكله=ولا ينفعه ظلم البشر مع تعديه
ويالله ياللي خالق الكون كله=اللي عليم الحال جهره وخافيه
أليا أنعقد لي حبل أنك تحله=أنتَ حسيب اللي كثيره بلاويه
"""""""""""""""""""""""""""""""""""""
(وسلامتكم)
"""""""""""
""""""
"""
""
"
بقلمي المتواضع
ياسرعبدالله العوفي
(الـــــــعـــــرم)