(اتمنى اتنال اعجابكم)

[حمد خليل العوفي]

يالجريده يالمجله يافنون الشعر كله
الله اكبر وش يبين وش تخفيه الخوافي
لو قفلتم بابكم عن شعر ناسن فيه خله
كان يصفي ساحة الشعار تصدير المصافي
لتمعنتوا صحيح الشعر وش دقه وجله
بان وش فرق النحاس من الذهب لاصار صافي
اعدلوا ثم انصفوا ثم افرقوا ثم الله الله
بين قومن ذو مكانه وبعدوا عنا الضعافي
السوال اللي يحير مالقينا نص حله
وعذاب الشعر يوم اقراك يابعض القوافي
كم قصيدن لاقريته ماتحصل فيه ادله
ناقصن فيه الجزاله والمعاني شعر هافي
من تصنع بالقصيد الله عسى لسانه يشله
لين ماينشر قصيده لامذيع ولاصحافي
والصحيح الشعر له ناسن لها مذهب ومله
تعرف الصادر من الوارد مقابيل ومقافي
تعرف القانون وتجيبه على وضعه وحله
مثل ابن عون العتيبي وابن ربعي حرب لافي
ولاقصورن بالرجال وكل شاعر في محله
الرجال اللي لهم بالشعر وقفه واحترافي
وماطرا بالبال سجلته على سطر السجله
حسب تعبير المشاعر بالقصيده واعترافي
وكل رجالن ضميره حي في دربه يدله
وشي بالدنيا يشاف وشي خافي مايشافي

[ابو سعد]

وكل رجالن ضميره حي في دربه يدله
وشي بالدنيا يشاف وشي خافي مايشافي


لك الشكر الجزيل اخ حمد شاعر جزاله وموقف ولك قصائد رائعه جدا وصح لسانك على كل حال .. واقدم لك التهاني بفوز لافي الغيداني ... وانشالله نرى لك ديوانا خاصا بك يزهر بالعبارات والأبيات الشعريه العظيمه ..

[حمد خليل العوفي]

اشكرك الاخ ابو سعد على المرور

[نايف حمود العوفي]

كم قصيدن لاقريته ماتحصل فيه ادله
ناقصن فيه الجزاله والمعاني شعر هافي

صح لسانكـ ياحمد وبيض الله وجهكـ على النقل وقصيدتك مابها شك جزله من شاعر جزل الى الأمام يالغالي..

[فهد المفرجي]

مبدع يابو خليل والقصيده اكثر من جزله
وبصراحه اطربتني بالقصيده هذي بالذات واشبعتني شعر
صح السانك عد حروف القصيده

[حمد خليل العوفي]

الاخ نايف والشاعر فهد اشكركم جزيل الشكر على مروركم....

[عبدالرحمن العوفي]

صح لسانك يابو خليل شهادتي فيك مجروحه شاعر لايشق لك غبار وانت مكسب للمنتدى للي مثلك
وشرواك طال عمرك قصيده تشخص حال الشعر

[حامد الصاعدي]

الاخ/حمد خليل العوفي
قصيدة جزلة تستحق الاشاده ,مشكور
ويعطيك العافية.

[نشمي بن سعود العوفي]

السوال اللي يحير مالقينا نص حله
وعذاب الشعر يوم اقراك يابعض القوافي


صح لسانك أخي حمد على القصيدة الرائعة وأنت شاعر جزل وشهادتي فيك مجروووحة

تحياتي لك

[أبو بدر]

صح لسانك شاعر مبدع والى الأمام يا ابو خليل

..

[عمر العوفي]

صح السانه
وذكرتني باللي يقول
الميت لنا حي والحي لنا مات
ياكيف مات الحي والميت لنا حي
والى الأمام يأخ حمد العوفي