قصيدة الشمري وردي عليها

[فهد المفرجي]

بسم الله الرحمن الرحيم
السلانم عليكم ورحمة الله وبركاته


اخواني هذي القصيدتين لها قصه
حيث اني موضف جديد في مكان عملي وكنت اسمع مع زملائي قصايد واحد من الموضفين معنا واعجبتني فسألت عن الرجال وعن قصايده حيث اني ماأمون عليه
ووصله العلم وعرف اني انشد عن قصايده وحب انه يختبرني بقصيده
واخذ رقمي واتصل بي بساعه متأخره من الليل ولارديت لاني نايم فعرف اني نايم وارسلي هالقصيده
واتمنى انها تعجبكم









قصيدة الشاعر/طليحان ذياب الشمري


مامن ورا العوفي مذاكير واعلوم
كل الكلام اللي يقوله انعرفه
جفنه مريح وذايق(ن) لذة النوم
ماهو من اللي يسهر الليل طرفه
كم ليلة(ن) زالت وانا ضيق واهموم
وراع الموده لاتهاون بضرفه
كن الهواجس تطعنن طعنة القوم
وانا آتروى واجعل الصبر حرفه
يامن يسلي خاطر(ن) طال مضلوم
عذب ضميره سيد الزين ترفه
لولا العوايد يافهد كان ماشوم
اخذ مرامي والنظر كف ذرفه




ورديت عليه بهذه الابيات

يامرسللي من قصايدك منضوم
تبغا نشوف لحالتك أي صرفه
تقول حالي من عنا الوقت مسقوم
والهم شالك لين حطك بجرفه
الوقت مايثبت على حال ويدوم
نوب(ن) عدال ونوب شي(ن)يحرفه
قبلك رياجيل(ن) طحاطيح وقروم
سبت حبيبه دمع عينه يغرفه
مجنون ليلى وعنترة اول القوم
وابن زهير ومع بن العبد طرفه
احد عطاه الله واحد عاش محروم
واحد(ن) يموت ولاشكا الناس ظرفه
وعندك خبر كلن من الوقت مضيوم
بس الحضيض اللي يقديه عرفه
وانت حسب ذكرك مع الناس شغموم
وشاعر تقول القول وتقيس حرفه

[سَِليمـَِ اللَِقمـَِانيٍِ]

احد عطاه الله واحد عاش محروم=واحد(ن) يموت ولاشكا الناس ظرفه

صح السانك

قصيده في قمة الروعه
ورد جميل من شاعر متمكن

لاهنت اخي العزيز

[نايف حمود العوفي]

الوقت مايثبت على حال ويدوم
نوب(ن) عدال ونوب شي(ن)يحرفه


صح لسانك يافهد وصح لسان الشمري بيض الله وجهك، على القصيده وننتظر المزيدمن قصائدك يالذيب..

[فهد المفرجي]

صح بدنك اخوي سليم والاجمل ردك
اخوي نايف صح بدنك وابشر باللي اقدر عليه يابن العم

[ابو باسم]

اخوي فهد

صح لسانك قصيده جزله

ورد من شاعر وافي وكافي وبيّض الله وجهك

تحيااااااتي

[نشمي بن سعود العوفي]

صح لسانك ولسان الشاعر الشمري

تحياتي

[عوفي والراس مرفوع]

كفو والله يالمفرجي رد متمكن وقصيده رائعه
ونتحرى المزيد وان كان عندك قصائد طريفه تكفى لا تخلينا تحياتي

[عبدالله مفلح العوفي]

وحد(ن) يموت ماشكى لناس ظرفه

سلمت ياذيب وصح لسانك



تحياتي الخالصه ابو فيصل

[ابو سعد]

جمل الله حالك وصح لسانك انت ورفيقك
ماشالله قصائدك جزله ةتستاهل التمعن فيها

[الذهين]

السلام عليكم ورحمة الله
الاخ/ فهد
محاوله لا باس بها وانصحك بعدم التسرع بالنشر حتى تاخذ براي
شعراء لهم خبره

[فهد المفرجي]

شكرا اخوي الذهين على النصيحه
ولكن انا ماارى بالقصيده ايات شي يعيبها وتكفيني شهادة الشاعر الشمري
ولكن ياليت تقنعني برايك بكل وضوح حتى نتلافى الاخطاء اللتي تراها في المرات القادمه

[الذهين]

اهلا اخوي فهد

اما بخصوص ردك وملاحظتي على القصيده

عندك البيت الاول الخامس وكذلك السادس تعاني من كسر

واذا اردت التاكد من ذلك حاول تشيلها شيله والبيت اللي ماينشال معك

اعرف انه مكسور ...

_(_وخذها قاعده .... وتقبل تحياتي بصدر رحب))

[فهد المفرجي]

شكرا اخوي الذهين ولكن انا شاعر تعديت مرحلة الكسور من زمان واعرف القصيده المكسوره من دون الحان لاني متمرس
والحمد لله لي مساجلات مع شعار كبار ولكن بالنسبه للقصيده انا متأكد انك ماقريتها صح اما لأخطائي الاملائيه واما لضعف قرائتك وان بغيت تتأكد خل احد الناقدين بالشعر يقراها بنفسه من غير اقصور فيك
وشكرا على حرصك اخوي الذهين

[أبو جود]

قصيدتك جزله و ما فيها كلام أبدا و لكن الأخ الذهين ما جت معه بعض الألفاظ لأن الشعر العامي
فيه الفاظ تجي بالعاميه مع شخص و لا تجي مع الآخر لتعدد اللهجات و لكن في الغالب لا تخفي على
الشاعر

مع احترامي و تقديري للجميع و تقبلوا مروري

[فهد المفرجي]

شكرا اخوي ابو جود وشهادتك اعتز فيها
وشكرا على التوضيح للاخ الذهين

[حمد خليل العوفي]

فهد العوفي شاعر جزل وبيض الله وجهك (اخوك الشاعر/حمد العوفي)

[المفرجي]

صح لسانك يافهد وصح لسان الشاعر الشمري وبيض الله وجهك وننتظر المزيد والى الامااااام

[داله عايض العوفي]

صح لسانك يااخ فهد ولاكن ارجو التركيز تقبل تحياتى

[عبدالرحمن العوفي]

احد عطته الله واحد عاش محروووم واحد يموت ولاشكا الناس ضرفه
صح لسانك ياولد عمي على القصيده وعلى البيت الكتوب اعلاه اللي يسوى 80 بيت
وصح لسان ذيب الشمري على قصيدته الرائعه

[فهد المفرجي]

صح بدنك ياعبدالرحمن العوفي وشهاده اعتز فيها من شاعر جزل مثلك

[تالي الليل]

خطيييييييييييييييييييييييييييييير يافهد
والله جبتها على الجرح
شاعر ومجنون من شك بشاعريتك

[فهد المفرجي]

الاخ العضو تالي الليل اشكرك جزيل الشكر على هذا الاطراء

[عوفي مايعرف الخوفي]

صح لسانك ياشاعر عوف
شاااااااااااااااااارك
لاتبخل على منتدى عوف بالجديد


شاااااكر ومقدر لك
تقبل مروري

[محمد متعب]

شـكــ وبارك الله فيك ـــرا لك ... لك مني أجمل تحية .

[البركان]

مشكوووووووووووووووووووور ين