قصيده لخلف المشعان....

[ابــو عبدالله]

:::::::::::::::::::::::::::::

ياكثرهم لا قلت لك عرفة وجيه
وياقلهم لا قلت قـدر ومعـزه

رجلٍ تعزه بعد ماتلتقـي فيـه
ورجلٍ قبل ماتلتقي بـه تعـزه

ورجلٍ ترزه بالمجالـس مباديـه
ورجلٍ فلوسه بالمجالـس تـرزه

ورجلٍ يموت ولا يجيبون طاريـه
ورجل ٍ يجي طاريه في كل حزه

ورجلٍ يهزه بعض موقف ويشقيه
ورجلٍ مهوب أيّات موقف يهـزه

ورجلٍ ضعيف ويستفزه معاديه
ورجلٍ كلام اعـداه مايستفـزه

ورجلٍ تلزه يعترف لك بخافيه
ورجلٍ على خافيه .. محدٍ يلـزه

ورجلٍ يوزونه ويزعل بني خيـه
ورجلٍ يزعّل من يحاول ، يـوزه

ورجلٍ تكزه لا زم انك توصيه
ورجلٍ بليّا ما توصيـه كـزه

من لا فرش للمرجله ماتغطيـه
ومن لايخز الناس محدٍ يخـزه

ان كنت تعرفني فهي عرفة وجيه
مو شرط لك بالقلب قدر ومعـزه


::::::::::::::::::::::::::::::

[العوفي]

مشكووووووووووووور
صح لسانه

خلف شاعر كبير وماعليه خلاف

مشكوور على النقل

[ابو سعد]

قصيده رائعه



لاهنت يابو عبد الله


تحياتي


...

[ابــو عبدالله]

:::::::::::::::::::::::::::

~*¤ô§ô¤*~*¤ô§ô¤*~يسلمووووووووووووووو~*¤ô§ô¤*~*¤ô§ô ¤*~

::::::::::::::::::::::::

[حمود العوفي]

والله قصيده أكثر من رائعه

صح لسان الشاعر خلف

وشاعر لا عليه غبار

لا هنت على القصيده

[نايف حمود العوفي]

صح لسان الشاعر الكبير خلف المشعان وتسلم يمينك على النقل..

تقبل تحياتي..

[ولـ حرب ـد]

قصيدة رائعة

صح لسانك و لسان الشاعر

ماقصرت و لا هنت على هذه الرائعة

مشكوووور

محبتي و مودتي