المقناص من اوراق الماضي

[الشاكر أبو سامي]

نويت للطرقة وقمت اتحزّم = بحزام يفرق عن جميع المحازم
يوم ان ابو ناصر على القنص لزم= وانا رفيقه خوتي معه لازم
ومن يذكر الشاكر ذكر معه زمزم = اخوان في الطرقة علي الملازم
والمشعل ابو صالح ان كان عزم = خوينا ماهو رفيق المهازم
حتى لو ان الحال معنا تأزم = الكل في دربه على الخير عازم
ننصى الديار اللي بها العشب حزم = ومدهال ريم في اول الصيف كازم
وجبال وعرات ماغير انتلزم = فيها الخطروالكل بالموت جازم
ومن فوقنا صوت السحاب يتهزم = يرعد على طاشا وضلع الحوازم
وعلى جبال ادقس وضلع مقزم = ووادي به الحمر القوادي ترازم
ونرجع بصيد وافر ونتعزم= وما فيه مهزوم ولا فيه هازم

[سَِليمـَِ اللَِقمـَِانيٍِ]

صح السانك يا ابو سامي

هيضتني بالقصيده وبالقنص


دمت بخير

[نشمي بن سعود العوفي]

ونرجـع بصيـد وافـر ونتعـزم
وما فيه مهزوم ولا فيـه هـازم


صح لسانك أخي الشاكر أبو سامي

[يزيد العوفي]

قصيده اكثر من رائعه يابو سامي صح لسانك