مطلق النومسي ونوت..

[بدر البركاني]

السلام عليكم ورحمة الله وبركاته..

يسعد مساءكم ـ صباحكم بخير..

الشاعر مطلق النومسي قال هالقصيدة بـ نوت بنت الشاعر : خلف المشعان ....

( مويس ) هو ( موسى ) ابن الشاعر : خلف المشعان ...

اترككم مع القصيده والرد..

يامويس سلم لي على المترفه نوت
سلم عليهـا علنـي مـن فداهـا

نوت الغلا نوت الحلا شجرة التوت
اللي عيون المسك تسقـي ثراهـا

لايابعد من تلبس الجنز والكـوت
اللي تبيـن فـي كعبهـا خطاهـا

بنت الرجال اللي لهم فعل مثبـوت
أهل البيوت اللـي يـذري ذراهـا

سمية اللي دونها السيف والمـوت
ورجال يرفـع صيتهـا مستواهـا

يامويس والله بالغلا منت مبخـوت
راحت به اللـي مايليـق لسواهـا

الله عطاها والغـلا بـي منحـوت
لا تلومني مـادام ربـي عطاهـا

حورية العينين مبحوحة الصـوت
وتزعل الرمـان حمـرة شفاهـا

لاجت جينا كلنا شعـب وبشـوت
وإن روحت رحنا ندوهج وراهـا

ياناس والله لو تقرب لكـم نـوت
تدرون وش يعني غلاي وغلاهـا

الشاعر / مطلق النومسي

الرد..
هلا هلا .. يامرحبا حي هالصـوت
جزل المعاني هاك منـي صداهـا

عشرة بيوتٍ ردها .. عشرة بيوت
عنوانها يالقرم .. مـن محتواهـا

يامن تصوغ القاف لولو وياقـوت
بك نفتخر بين العرب .. وانتباهـا

لاجيت غيرك ينسحب عنك بسكوت
من لابة بالكون .. ترهب اعداهـا

يالوايلي جنب عن ، مغازلة نـوت
حيّر عليهـا عمهـا .. ماعطاهـا

ليّه سنة طابع على عرسها كروت
راحت عليكم دام ( فايـز ) بغاهـا

وسياقها مبطي ، عطيناه شلـوت
خليف ماله شي دامـي ، وراهـا

أبعد من اليابان .. لجبال بيـروت
وابعد عليك من ارضها عن سماها

خل الغلا في داخل الجوف مكبـوت
ماكل من سام ، الكحيلـه شراهـا

قصيدتك جتنا عقب ، فايت الفوت
اطلب ولي العرش ، واقطع رجاها

الشاعر/ موسى المشعان( شقيق خلف المشعان)..

دمتم..

[سَِليمـَِ اللَِقمـَِانيٍِ]

صح السان الشاعرين

ولاهنت اخوي بدر

نقل رائع

الله يعطيك العافيه

[بدر البركاني]

يسلم لي مروركـ العطر أخوي سليم..

الله يعافيكـ وبالخير دوم يجازيك..

دمت بود..

[نايف حمود العوفي]

تسلم يمينك على النقل الرائع..