جزل القصيد . .ضاقت.. لشاعربدر الظاهري الحربي

[خوي الذيــب]

ضاقت وقلنا ماتضيق الوسيعه =ضاقت وقلنا الله هو ميسر الحال
ضاقت بوجٌه اللي يدور ربيعه=وياشينها لضاقت بوجٌه رجال
انا ماقول أني كرهت الطبيعه=لكن ماهي دايم على كل الأحوال
والله يلول عز نقدر نبيعه=كان اليدين القفردبت بالاموال
لكن تبي تبقى الرفيعة رفيعه=عمر المذلٌه منجبت عز ورجال
أبوي قال أقرا كتاب الشريعه=تلقى تفاصيل(ن)بها أقوال وأفعال
وليا قريته أطلب اللي نطيعه=أنه يسهل دربك قفاي وقبال
يالله ياوالي النفوس الوديعه=أنك تعدل مليت الوقت لامال
هذا طفل توه على أول ربيعه=توه صغير وعاش بجيل جهال
لكن طفل تستغربه من صنيعة=الوقت نسٌاه الطفوله والاطفال
كنه معاصرحرب يوم الوديعه=وهو قبل عامين مايلبس عقال
مالك بطول الهرج بس الفجيعه=اللي تقفو دربه رخوم ونذال
لا ماحسبنا لنفوس الوضيعه=ولاتركناها على حساب الاقوال
يوجد قلب(ن)درعم الشوق ريعيه=على هنوف تو ماحطت الشال
الناس تزهمها نطيعه نطيعه=ونا عجزت القى على البنت مدخال
مدري ولكن ماقدرت أستطيعه=أني عرفت أن أعقل القوم دجال
هذا أبو بكره وذا بو تبيعه=والله عليم بنوايا والاعمال
ونا أليا ضاقت عليٌ الوسيعه=مقول غير الله هو ميسر الحال
أما تجي ونقول عقب القطيعه=زان المكان بفال من طيب الفال
ولا تموت وينكتب لشٌجيعه=ماتت على رجم الأمل روح رجال


الشاعر المبدع..بدر الظاهري الحربي

[بدر البركاني]

تسلم يمينكـ ياخوي الذيب ..

صح الله لسان بدر الظاهري ..

لاخلا ولاعدم..

تحياتي لكـ..

[خوي الذيــب]

يامرحبا بدر هلابك هلابك نورت الصفحة يسلم مرروك ومنطوقك

[سَِليمـَِ اللَِقمـَِانيٍِ]

صح السان الشاعر بدر الظاهري

وبيض الله وجهك يا خوي الذيب

نقل رائع

الله يعطيك العافيه

[خوي الذيــب]

وجهك ابيض يالذيب
الله يعافيك

[نايف حمود العوفي]

تسلم يمينك على النقل الرائع..