بنت الوزير ـ ياسر التويجري

[بدر البركاني]

السلام عليكم ورحمة الله وبركاته..

يسعد الله صباحكم ؛ مساءكم بكل خير..

قصيدة للشاعر ياسر التويجري..


يقول:

انفجعت برحلة التفكير فـي عـرض المسيـر
وألتغى قيـد التوجـد مـن حياتـي وانطـوى

والمصيبه كل ماأفقـد شـيئ في عيونـي مثيـر
ماأتوجـد ليـن كفـي دون حـقـي تلـتـوى

المهم إني كسرت السلـم فـي صفـو الغديـر
والوكاد إنـي شربـت المـر واكلـت الهـوى

هيـه يااللـي ماحسبتـي أي معنـى للأسيـر
ليـه يـوم إنـك رحلتـي ماخذيتـي هالنـوى

أنتحرتي بـي بدايـه وانتصرتـي بـي أخيـر
والعشم أكبر وانا اللي أحسب ان إحنـا سـوى

شلت حبك وسط صدري وأوسم بأقصى الضمير
لين أشرف ذيـب قـدرك بالمعاليـق وعـوى

أهتدى لي دربـك المظلـم وأنـا مانـي ضريـر
وأستوى لي في عيوني يـوم غيره ماأستـوى

عيبي إن الصدق مبدأ.. وأكتشفت إنـي فقيـر
وعيبك إن الطعن ملجأ للهروب مـن الهوى

عيبي إني ماجمعـت القـرش لليـوم العسيـر
وعيبي إن الضيف عندي هو رفيـع المستـوى

أذبح الحيل السماني من خـروف ومـن بعيـر
مهتوي والطبع يغلب يـوم غيـري ماأهتـوى

ماأشتغلت من المناصب غير في منصب خفيـر
والصحيح إني عقيد القـوم فـي رتبـة لـوى

أدري إنـي ماملكـت المـال لكـنـي أمـيـر
دام رأسي من عرفتـك فـوق كتفـي ماهـوى

وأنتي اللـي كـل همـك بالتذاكـر والمطيـر
والسفر وإزعـاج قلـبٍ مـن فراقـك انكـوى


تعبدين المـال وأنتـي فـوق يابنـت الوزيـر
ومن ولدتي ماكسرك الجـوع وأحتجتـي دوى

ودي اسأل دام عندك مارد.. وجمـه .. وبيـر
ليه تجفيني وأنـا اصـلاً ماطلبـت الإرتـوى

أسمعينـي وأحسبينـي نـاصـحٍ وإلا نـذيـر
وأفهمي قولٍ أقولـه قبـل شاعـث وشعـوى

منتكس عبد الدراهم لو يصيـر اللـي يصيـر
في الأحاديـث الصحيحـة والبخـاري مـن روى

منقووووووووووووووووله..

[ابو سرهد]

وعليكم السلام ورحمه الله وبركاته

الله يمسيك بالرضاء والعافيه


وتسلم يمينك اخوي بدر بن باجان

وصح لسان الشاعر ياسر التويجري


ـــــــــــــــــ

[ابو سعد]

منتكس عبد الدراهم لو يصيـر اللـي يصيـر
في الأحاديـث الصحيحـة والبخـاري مـن روى


تعس عبد الدرهم تعس عبد الدراهم



جمل الله حالك يابدر

تحياتي

[بدر البركاني]

أبو سرهد..

الله يسلمكـ من النار وعذابه..

شاكر لكـ مروركـ العطر..

دمت بود..

[بدر البركاني]

أبو سعد..

وحالكـ بالمثل يابعدي..

شاكر لكـ مروركـ..

دمت ولاهنت..