مخاوي الصبر
12-08-08, 07:13 AM
يقولون على نياتكم ترزقون
اللهم أرزقني على قد نيتي :rolleyes:(واحد مسوي فيها أنه طيب ههههههههه)
المهم يقول لك كان فيه واحد من الناس يلقبونه الناس أبو نية بسبب طيبة قلبه ونيته الصافية لأنه واضح وكلامه واحد مافيه كذا كذا (يعني نفر سيدا ميه ميه)
وكان فيه شخص ثاني خبيث (الملعون نصاب دولي ونيته سوداء زي حظه اللي راح يصير له)
شاءت الأقدار إن يلتقي أبو نية وأبو نيتين أثناء سفرهم لأحد القرى (تعرفون رايحين يصيفون ذبحهم الحر بالرياض)
كان أبو نية يحمل معه زاد ومال وكان يمتطي جواده العربي الأصيل
أما النكبة أبو نيتين فقد كان يسير على قدميه (داقها كعابي أبو الشباب الله لا يوفقه النذل)
المهم يوم تواجهوا كانوا بالقرب من أحد الآبار المائية
أبو نية: الله بالخير يالحبيب.... من الأخ؟
أبو نيتين (النذل, الخسيس, المجرم, يهب ياوجهه): هلا بك ياواد.... زين اللي لقينا واحد يسلينا بالطريق. أنت من أنت؟
أبو نية: أنا أبو نية يالحبيب.... ممكن نتعرف؟ (ممكن خاص ..هههههههههه)
أبو نيتين: أنا أبو نيتين يابو نية!!! جابك الله ماشاء الله عليك راكب الفرس ومعك أكل كثير
أبو نية: والله والنعم والسبعة أنعام يابو نيتين. تعال خلنا ناكل سوا ويصير بيننا عيش وملح.
أبو نيتين: طيب طيب يالله بسم الله
يوم أكلوا وشبعوا وعينوا من الله خير قام أبو نيتين الخبيث وقال: يابو نية أنت الحين صرت صديقٍ لي وصار بيننا عيش وملح وانا بقول لك شي بس هاه بشرط يكون سر بيني وبينك
قال أبو نية: خير إنشاء الله وشو السر يابو نيتين؟ سرك في بير
قال أبو نيتين: يقولون إن البير اللي حنا عنده مليان ذهب مايخلص. وش رايك ننزل وناخذ من الذهب؟
أبو نية: عفارم عليك والله. يالله أنا بنزلك وأنت خذ من الذهب ثم أسحبك
قال أبو نيتين: لا حبيبي ماحزرت!!! أنت إنزل وجب لنا من الذهب وأنا اللي بسحبك إذا خلصت
قال أبو نية: شورك وهداية الله يابو نيتين. يالله
المهم نزل أبو نية المسكين للبير ولا لقى شي!!!! صاح لابو نيتين: أنا مالقيت شي يابو نيتين!!!
ضحك أبو نيتين وقال: أدري أدري إن مافيه شي.. أنت خلك هنا ياغبي الين تموت وأنا باخذ فرسك وزادك وأكمل طريقي, أنت ماتدري من معك؟ أنا أبو نيتين ياهووووووووووووه. ياغبي. يالله باااااااااااااااااااااااااي.
((((((((((((((مسكين أبو نية خيراً يعمل شراً يلقى)))))))))))))))
المهم مر يوم كامل والمسكين بالبير الين أظلم عليه الليل وهو يصيح ماحد يسمعه
يوم تعب من الصياح جاه النوم
لااااااااااااااااااااااااااااااااااااااااااااااااا اااااااااااااااااااااااااااااااااااااكن
فجأة سمع إثنين يتكلمون (بسم الله علينا طلعوا جنون يسولفون ولادروا بأن أبو نيه بالبير)
صار أبو نية يسمع وش يقولون؟
قال الجني للجني الثاني: ياجني أنا كنت موجود عند سلطان دولة (ميرندا) السلطان ذا عنده بنت مريضة وتعبانه وتكاد تموت, والسلطان ذا قايل إن اللي يقدر يشفي بنته إنه يزوجه بنته ويعطيه كل مايملك من حلال ومال ويسلمه الحكم من بعده لأن ماله أولاد!!!!!!!
وتدري بعد إني أدري وش علاج البنت؟ البنت علاجها مستحيل إن إنسان يعرف وينه!! لأن علاجها موجود تحت شجرة السدرة اللي بالمكان الفلاني, ومستحيل إن أحد يدري بها إلا أنا وياك.
أبو نية سمع كل الكلام اللي قاله الجني لخويه الجني وحفظ المكان بالضبط
ثاني يوم سمع أبو نية حركة حول البير وأصوات. صار ينادي ياناس ياهوه ياللي فوق أنا أبو نية تحت أنا بالبير أنقذوني, أراد الله إنهم يسمعونه أدلوا واردهم وطلع أبو نية من البير.
قالوا له وش جابك هنا؟ وين كنت رايح؟
علمهم بالقصة (طبعاً ماعلمهم بقصة الجنيين)
وقال لهم اللي يوديني لسلطنة (ميرندا) له مني ألف درهم ذهب!!
ماصدقوا خبر وصلوه للسلطنه
راح أبو نية للحاكم وقال له: أنا أعرف إن عندك بنت مريضه, وترا شفاها بعد الله على يدي!!!
قال الحاكم أنا حطيت جائزة للي يكون سبب في شفاء بنتي, هل تعرف وش الجائزة والا لا؟ قال أبو نية نعم أعرف.
راح أبو نية لشجرة السدر اللي ذكرها الجني يوم كان في البير وأحضر علاج بنت الحاكم, وشفيت البنت وتزوجها وصار غني والحاكم القادم للسلطنة
أحد الجنون اللي كانوا تلك الليلة يتناقشون بالموضوع (موضوع علاج بنت السلطان وكيف إن من المستحيل إن أحد يعرف فيه غير هم الأثنين) علم بالموضوع وأن البنت شفيت بعلاج من شجرة سدر في المكان الفلاني.
راح لصديقة الجني الثاني وعلمه بالموضوع وقاله القصة كذا وكذا... أكيد إن فيه واحد كان في بير الأسرار تلك الليلة وسمع كلامنا لازم نروح ونشوف من الشخص اللي كان يتسمع لكلامنا وإذا لقناه دهمنا (ردمنا) البير على راسه وتركانه يموت
في يوم من الأيام جاء أبو نية يبحث عن وظيفة في سلطنة (الميرندا) وجايب معه السيرة الذاتية والشهادات الدراسية وشهادات الخبرة على باله يبي يتوظف أبو الشباب
صدفة شافه أبو نية وناداه: تعال أنت ياأخ العرب.. أنت أبو نيتين؟
قال نعم أنا أبو نيتين.. من أنت طال عمرك؟
قال: ماذكرتني؟ أنا أبو نية. صاحبك اللي غدرت فيه بالير وتركته وحيد تحسب أنه بيموت عشان تأخذ فرسي وزادي ومالي... ماذكرتني؟
قال : انت أبو نية؟ كيف مامت؟ كيف انت عايش إلى الآن؟ وكيف صاير بهالحاله ذي شكلك صرت غني؟
قال أبونية: نعم أنا الآن غني ومبسوط... تدري إني لقيت البير مليان ذهب وكنوز؟ وأنا أشكرك من كل قلبي وعشان كذا ماعلمت أحد.!!!! ماراح أخبر إلا صاحبي أبو نيتين إذا لقيته في يوم من الأيام.. لكن رح للبير وخذ من الذهب لأنه ماراح يخلص. لكن لاتخبر أحد بالموضوع....
أبو نيتين ماصدق خبر وراح للبير ورمى نفسه في البير بدون مايخبر أحد (على باله بيجون ناس يطلعونه من البير)
المهم جاء الجنيين ووجدوا أن هناك شخص في البير!!!!!!!
قالوا هذا اللي كان يسترق السمع علينا لازم نقتله... وفعلاً ردموا البير على أبو نيتين حتى يموت وفعلاً مات أبونيتين بسبب سوء نواياه
شفتوا كيف عاقبة الشخص سيئ النية وكيف إن الله مايوفقه بحياته
وأن الشخص اللي نيته سليمه ربه يرزقه من حيث لايحتسب
وتوتا توتا خلصت الحدوته
عفيه على الشطار... يالله روحوا أشربوا الحليب وناموا
هاه وش رايكم ياحبايبي بهذي القصة
حقوق الطبع محفوظة لمؤسسة أبو نية
اللهم أرزقني على قد نيتي :rolleyes:(واحد مسوي فيها أنه طيب ههههههههه)
المهم يقول لك كان فيه واحد من الناس يلقبونه الناس أبو نية بسبب طيبة قلبه ونيته الصافية لأنه واضح وكلامه واحد مافيه كذا كذا (يعني نفر سيدا ميه ميه)
وكان فيه شخص ثاني خبيث (الملعون نصاب دولي ونيته سوداء زي حظه اللي راح يصير له)
شاءت الأقدار إن يلتقي أبو نية وأبو نيتين أثناء سفرهم لأحد القرى (تعرفون رايحين يصيفون ذبحهم الحر بالرياض)
كان أبو نية يحمل معه زاد ومال وكان يمتطي جواده العربي الأصيل
أما النكبة أبو نيتين فقد كان يسير على قدميه (داقها كعابي أبو الشباب الله لا يوفقه النذل)
المهم يوم تواجهوا كانوا بالقرب من أحد الآبار المائية
أبو نية: الله بالخير يالحبيب.... من الأخ؟
أبو نيتين (النذل, الخسيس, المجرم, يهب ياوجهه): هلا بك ياواد.... زين اللي لقينا واحد يسلينا بالطريق. أنت من أنت؟
أبو نية: أنا أبو نية يالحبيب.... ممكن نتعرف؟ (ممكن خاص ..هههههههههه)
أبو نيتين: أنا أبو نيتين يابو نية!!! جابك الله ماشاء الله عليك راكب الفرس ومعك أكل كثير
أبو نية: والله والنعم والسبعة أنعام يابو نيتين. تعال خلنا ناكل سوا ويصير بيننا عيش وملح.
أبو نيتين: طيب طيب يالله بسم الله
يوم أكلوا وشبعوا وعينوا من الله خير قام أبو نيتين الخبيث وقال: يابو نية أنت الحين صرت صديقٍ لي وصار بيننا عيش وملح وانا بقول لك شي بس هاه بشرط يكون سر بيني وبينك
قال أبو نية: خير إنشاء الله وشو السر يابو نيتين؟ سرك في بير
قال أبو نيتين: يقولون إن البير اللي حنا عنده مليان ذهب مايخلص. وش رايك ننزل وناخذ من الذهب؟
أبو نية: عفارم عليك والله. يالله أنا بنزلك وأنت خذ من الذهب ثم أسحبك
قال أبو نيتين: لا حبيبي ماحزرت!!! أنت إنزل وجب لنا من الذهب وأنا اللي بسحبك إذا خلصت
قال أبو نية: شورك وهداية الله يابو نيتين. يالله
المهم نزل أبو نية المسكين للبير ولا لقى شي!!!! صاح لابو نيتين: أنا مالقيت شي يابو نيتين!!!
ضحك أبو نيتين وقال: أدري أدري إن مافيه شي.. أنت خلك هنا ياغبي الين تموت وأنا باخذ فرسك وزادك وأكمل طريقي, أنت ماتدري من معك؟ أنا أبو نيتين ياهووووووووووووه. ياغبي. يالله باااااااااااااااااااااااااي.
((((((((((((((مسكين أبو نية خيراً يعمل شراً يلقى)))))))))))))))
المهم مر يوم كامل والمسكين بالبير الين أظلم عليه الليل وهو يصيح ماحد يسمعه
يوم تعب من الصياح جاه النوم
لااااااااااااااااااااااااااااااااااااااااااااااااا اااااااااااااااااااااااااااااااااااااكن
فجأة سمع إثنين يتكلمون (بسم الله علينا طلعوا جنون يسولفون ولادروا بأن أبو نيه بالبير)
صار أبو نية يسمع وش يقولون؟
قال الجني للجني الثاني: ياجني أنا كنت موجود عند سلطان دولة (ميرندا) السلطان ذا عنده بنت مريضة وتعبانه وتكاد تموت, والسلطان ذا قايل إن اللي يقدر يشفي بنته إنه يزوجه بنته ويعطيه كل مايملك من حلال ومال ويسلمه الحكم من بعده لأن ماله أولاد!!!!!!!
وتدري بعد إني أدري وش علاج البنت؟ البنت علاجها مستحيل إن إنسان يعرف وينه!! لأن علاجها موجود تحت شجرة السدرة اللي بالمكان الفلاني, ومستحيل إن أحد يدري بها إلا أنا وياك.
أبو نية سمع كل الكلام اللي قاله الجني لخويه الجني وحفظ المكان بالضبط
ثاني يوم سمع أبو نية حركة حول البير وأصوات. صار ينادي ياناس ياهوه ياللي فوق أنا أبو نية تحت أنا بالبير أنقذوني, أراد الله إنهم يسمعونه أدلوا واردهم وطلع أبو نية من البير.
قالوا له وش جابك هنا؟ وين كنت رايح؟
علمهم بالقصة (طبعاً ماعلمهم بقصة الجنيين)
وقال لهم اللي يوديني لسلطنة (ميرندا) له مني ألف درهم ذهب!!
ماصدقوا خبر وصلوه للسلطنه
راح أبو نية للحاكم وقال له: أنا أعرف إن عندك بنت مريضه, وترا شفاها بعد الله على يدي!!!
قال الحاكم أنا حطيت جائزة للي يكون سبب في شفاء بنتي, هل تعرف وش الجائزة والا لا؟ قال أبو نية نعم أعرف.
راح أبو نية لشجرة السدر اللي ذكرها الجني يوم كان في البير وأحضر علاج بنت الحاكم, وشفيت البنت وتزوجها وصار غني والحاكم القادم للسلطنة
أحد الجنون اللي كانوا تلك الليلة يتناقشون بالموضوع (موضوع علاج بنت السلطان وكيف إن من المستحيل إن أحد يعرف فيه غير هم الأثنين) علم بالموضوع وأن البنت شفيت بعلاج من شجرة سدر في المكان الفلاني.
راح لصديقة الجني الثاني وعلمه بالموضوع وقاله القصة كذا وكذا... أكيد إن فيه واحد كان في بير الأسرار تلك الليلة وسمع كلامنا لازم نروح ونشوف من الشخص اللي كان يتسمع لكلامنا وإذا لقناه دهمنا (ردمنا) البير على راسه وتركانه يموت
في يوم من الأيام جاء أبو نية يبحث عن وظيفة في سلطنة (الميرندا) وجايب معه السيرة الذاتية والشهادات الدراسية وشهادات الخبرة على باله يبي يتوظف أبو الشباب
صدفة شافه أبو نية وناداه: تعال أنت ياأخ العرب.. أنت أبو نيتين؟
قال نعم أنا أبو نيتين.. من أنت طال عمرك؟
قال: ماذكرتني؟ أنا أبو نية. صاحبك اللي غدرت فيه بالير وتركته وحيد تحسب أنه بيموت عشان تأخذ فرسي وزادي ومالي... ماذكرتني؟
قال : انت أبو نية؟ كيف مامت؟ كيف انت عايش إلى الآن؟ وكيف صاير بهالحاله ذي شكلك صرت غني؟
قال أبونية: نعم أنا الآن غني ومبسوط... تدري إني لقيت البير مليان ذهب وكنوز؟ وأنا أشكرك من كل قلبي وعشان كذا ماعلمت أحد.!!!! ماراح أخبر إلا صاحبي أبو نيتين إذا لقيته في يوم من الأيام.. لكن رح للبير وخذ من الذهب لأنه ماراح يخلص. لكن لاتخبر أحد بالموضوع....
أبو نيتين ماصدق خبر وراح للبير ورمى نفسه في البير بدون مايخبر أحد (على باله بيجون ناس يطلعونه من البير)
المهم جاء الجنيين ووجدوا أن هناك شخص في البير!!!!!!!
قالوا هذا اللي كان يسترق السمع علينا لازم نقتله... وفعلاً ردموا البير على أبو نيتين حتى يموت وفعلاً مات أبونيتين بسبب سوء نواياه
شفتوا كيف عاقبة الشخص سيئ النية وكيف إن الله مايوفقه بحياته
وأن الشخص اللي نيته سليمه ربه يرزقه من حيث لايحتسب
وتوتا توتا خلصت الحدوته
عفيه على الشطار... يالله روحوا أشربوا الحليب وناموا
هاه وش رايكم ياحبايبي بهذي القصة
حقوق الطبع محفوظة لمؤسسة أبو نية