القادم بقوة ( فلاح بن صياف ) * ( ناصر الهاجري ) طاروق ناري

[سَِليمـَِ اللَِقمـَِانيٍِ]

نــــاصـــــر الـــهـــاجـــري
سـلام الله سلامـا والسـلام بدايـة المشـوار
على حـرب الكـرام اللـي تقدرنـي واقدرهـا
يا ابن صياف انا ويـاك بالميـدان شـب النـار
وانا احب العلوم اللـي جديـده مـن مصادرهـا


فـــــلاح بــــــن صـــيـــاف
هلا يامرحبا فـي حلـة اللـي يكرمـون الجـار
قبيلة حرب كـلا فـي علـوم الطيـب خابرهـا
انا ابعطيك علمي قبـل تسمـع نشـرة الاخبـار
لكنـك لاتضيعـهـا مـواردهـا ومصـادرهـا


نــــاصـــــر الـــهـــاجـــري
انا اشوفك يمين الـدرب كمـل لاتـروح يسـار
ترى ماض الليالـي غيـر مايشبـه لحاضرهـا
يقولون الرجال اهل الوفا كل الصـدور اسـرار
عسى صدور العرب ياخوك ماتفضـح سرايرهـا


فـــــلاح بــــــن صـــيـــاف
انا اعرف الطريق الزين واعرف سيرة الاخيـار
وبعض الناس لهالحين ترضـع فـي خناصرهـا
الا يالهاجـري عيـب علينـا نلفـت الانـظـار
ابكحل عينـك السـودا ياليـن يزيـن ناظرهـا


نــــاصـــــر الـــهـــاجـــري
عساك انت قسمت الورث يالحربي على اهل الدار
انـا خابـرك تسعـى للدراهـم فـي متاجرهـا
والا ياالشاعر اللي تعرف المارد مـن المصـدار
لكـن طعنـي علومـك يالسنافـي لاتكـررهـا


فـــــلاح بــــــن صـــيـــاف
الا ياكثر من يعلـن غناتـه والرصيـد اصفـار
لكنـك طيعنـي يالهاجـري حــذرا تكبـرهـا
انا ابعطيك كلمـه مـع رسالـت عابـد البحـار
وانا اعرف الهواجر علمها فـي روس اكابرهـا


نــــاصـــــر الـــهـــاجـــري
رصيـد أصحابكـم مليـان بالـدولار والدينـار
ترى التجـار ماتنشـد ولـو تكثـر خسايرهـا
ترى هرجتـك مـا ابغاهـا ودور علـى معبـار
بني هاجر يا ابـو صيـاف تطعنكـم خناجرهـا


فـــــلاح بــــــن صـــيـــاف
ليالـي تلعـب القلطـه وليلـه تلعـب المزمـار
ويمنـاك الكريمـه لـو ترفعـهـا نقصـرهـا
متى بينت لـي فعلـك متـى يالشاعـر القمـار
تعزوى بالسيوف اللـي زمـان العـام كاسرهـا

[الشاكر أبو سامي]

تشكر أخي العزيز : سليم الحربي

على النقل الممتع لهذه المحاورة

وتشكر على حسن الاختيار

دمت بصحة وعافية

[سَِليمـَِ اللَِقمـَِانيٍِ]

شرفتنا بمرورك ابو سامي


لاهنت

الله يعطيك العافيه

[نايف حمود العوفي]

الف شكر على النقل الرائع..

[سَِليمـَِ اللَِقمـَِانيٍِ]

شرفتنا بمرورك اخوي نايف

لاهنت

الله يعطيك العافيه